گاڤ نيوز
هنده‌ك وێنه‌يێن مالا كيليان ئمباپێ ستێرا يانه‌يا پاريس سان جێرمان و هه‌لبژارتيێ فره‌نسا هنده‌ك پرسياران ل دۆر پاشه‌رۆژا وى ل گه‌ل يانه‌يا پاريسى دئازرينن.
رۆژنامه‌يا ماركا يا ئسپانى به‌لاڤكريه؛ هونه‌رمه‌ند ئورا ئيتۆ هه‌ڤالێ نزيك يێ ئمباپێ د ئه‌كاونتێ خۆ يێ ئينستاگرام دا هنده‌ك وێنه ژ ناڤ مالا ستێرا يانه‌يا پاريسى به‌لاڤكرينه.
ديار ژى كريه؛ د ئێك ژ وێنه‌يان دا، هونه‌رمه‌ندى سوپاسيا ياريكه‌رێ فره‌نسى يێ 23 سالى ل سه‌ر پێشكێشكرنا درێسه‌كێ خۆ بۆ وى كريه، ل پشتێ ژى هنده‌ك خه‌لاتێن ئمباپێ كو د زه‌رفان دا د پێچاينه ديار دبن، زێده‌بارى هنده‌ك كارتۆنێن كاغه‌زان و هنده‌ك رۆژنامه‌يێن كو بابه‌ت ل دۆر ستێرا فره‌نسى به‌لاڤكرين.
رۆژنامه‌يێ دياركريه؛ ئه‌و وێنه‌يه ئاماژه‌يه‌كه بۆ وێ چه‌ندێ كو ياريكه‌رێ فره‌نسى رابوويه ب كۆمكرنا كه‌لوپه‌لێن خۆ يێن بوهاگران و ئه‌ڤه نيشانا وێ چه‌ندێ يه كو ئه‌و به‌رهه‌ڤيێن ڤه‌گوهاستنێ بۆ ماله‌كا نوى دكه‌ت و ئه‌ڤه نيشانه‌كه بۆ هێلانا وى بۆ رێزێن يانه‌يێ.
زێده ژى كريه؛ ئمباپێ دێ ژبه‌رى ب دويماهيك هاتنا هه‌يڤا گولانێ بڕيارا خۆ ده‌ت.
هه‌رچه‌نده هنده‌ك راپۆرتان دياركربوو كو ره‌نگه ئمباپێ گرێبه‌ستا خۆ ل گه‌ل يانه‌يا پاريسى نوى بكه‌ت لێ پتريا پێشبينيان بۆ هندێ دچن كو ئه‌و دێ چيته دناڤ رێزێن يانه‌يا ريال مه‌دريد يا ئسپانى دا.