ته‌رمێ گه‌نجه‌كى ب سه‌ربڕى ل مه‌زره‌عه‌كێ هاته‌ دیتن

11 گۆلان، 2022

گاڤ نیوز – تایبەت 

دوهی رۆژا سێشەمبی 10-5-2022 گەنجەک ژ مال دەرکەفتیە و ڤەنەگەڕیایە و پشتی 14 دەمژمێرێن لێگەڕیانێ، سەرژێکری هاتیە دیتن.

زەنون یونس رێڤەبەرێ ناوچەداریا باشیکێ بۆ گاڤ نیوز گۆت: شڤێدی دەمژمێر 9:00 ئەو گەنجە ژمال دەرکەفتیە و نەزڤریە مال ڤە، کەسوکارێن وی پۆلیس ئاگەهدارکرینە و پشتی نێزیکی 14 دەمژمێرێن لێگەریانێ، دەمژمێر 11:00 سپێدەهیا ئەڤرۆ رۆژا چارشەمبیێ ل ناڤا مەزرەعەکێ دا ل نێزیک گوندێ عومەر قاپچی یێ سەر ب ناوچەداریا باشیکێ ل سنوورێ پارێزگەها نەینەوا تەرمێ وی گەنجێ تەمەن 17 سالی بناڤێ "عەدنان نەشوان سلێمان" سەرژێکری هاتیە دیتن.

ناوچەدارێ باشیکێ گۆت ژی: ئەو گەنجە کوردێ شەبەکە و ل گۆرەی وان زانیاریێن ژ کەسوکارێن وی هاتینە وەرگرتن، وی چ ئاریشە دگەل کەسەکی نەبووینە و ڤەکۆلین ل سەر رویدانێ دبەردەوامن.

ل گۆرەی وان زانیاریێن ژ ژێدەرێن ئەمنی یێن ناوچەداریێ بدەست گاڤ نیوز کەفتین، ئەو گەنجە ب شێوازەکی هاتیە سەرژێکرن کو سەرێ وی ب تمامی ژ لاشێ وی هاتیە ڤەکرن و پشتی رویدانێ ئێکسەر تەرمێ وی هاتیە ڤەگوهاستن بۆ نوشداریا داد یا مووسلێ و لێکۆلینان ل سەر رویدانێ دەست پێکریە.