د سێ حاله‌تان دا وه‌تسئاپ بكارئينانا پرۆگرامى ژ بكارهينه‌رى قه‌ده‌غه‌ دكه‌ت

12 گۆلان، 2022

گاڤ نيوز

وه‌تسئا‌پ پرۆگرامه‌كێ نامه‌شاندنێ يێ ب له‌زه‌ لێ گه‌له‌ك جاران نه‌چار دبيت بكارهينه‌ره‌كێ و ژماره‌يا وى يا موبايلێ ژ بكارئينانا پرۆگرامى قه‌ده‌غه‌ بكه‌ت ئه‌و ژى ئه‌گه‌ر بكارهينه‌ر ئێك ژ سێ شاشيان بكه‌ت.

مالپه‌رێن ته‌كنولوژيايێ ڤه‌دگوهێزن؛ ده‌مێ وه‌تسئه‌پ ژماره‌يا بكارهينه‌ره‌كێ ژ بكارئينانا پرۆگرامى قه‌ده‌غه‌ دكه‌ت، نامه‌يه‌كێ بۆ ڤرێدكه‌ت كو تێدا دهێته‌ نڤيسين "ژماره‌يا ته‌ يا ته‌له‌فۆنى ژ بكارئينانا وه‌تسئاپى هاته‌ قه‌ده‌غه‌كرن، په‌يوه‌نديێ ب پشته‌ڤانيێ بكه‌ ژ بۆ وه‌رگرتنا هاريكاريێ".

ديار ژى دكه‌ن؛ د سێ حاله‌تان دا وه‌تسئه‌پ بكارهينه‌رى ژ بكارئينانا پرۆگرامێ خۆ قه‌ده‌غه‌ دكه‌ت، حاله‌تێ ئێكێ ئه‌وه‌ ده‌مێ بكارهينه‌ر تشته‌كێ بۆ يێن دى ڤرێدكه‌ت كو ببيته‌ ئه‌گه‌رێ هه‌ستكرنا وان ب ئێشانێ و ئه‌و كه‌سێن هه‌نێ بكارهينه‌رى ژ به‌ر نامه‌يێن ب ئێش و ژان ريپۆرت بكه‌ن.

زێده‌ ژى كرينه‌: حاله‌تێ دوێ ئه‌وه‌ ده‌مێ وه‌تسئه‌پ پێدحه‌سيت كو بكارهينه‌رى پرۆگرامه‌كێ وه‌تسا‌پى يێ لاساييكه‌ر ل شوينا پرۆگرامێ ره‌سه‌ن بكارئينايه‌ كو ئه‌و پرۆگرامێن نه‌ ره‌سه‌ن وه‌كى GBWhatsAPP و WhatsAPP Plusن.

راگه‌هاندينه‌ ژى؛ حاله‌تێ سيێ ڤرێكرنا نامه‌يێن فێلبازيێ يه‌ كو نووچه‌يێن ب دره‌و و يێن نه‌راست تێدا بن.