پارێزگەها دهۆکێ بریارەک ل دۆر تایا خوینبەربوونێ دا

12 گۆلان، 2022

گاڤ نیوز

ب سەرپەرشتیا شەمعوون شلیموون، جێگرێ پارێزگارێ دهۆکێ و ب بەرهەڤیا قایمقامێ دهۆکێ، نوینەرێن هەر ئێک ژ رێڤەبەریێن ساخلەمی، ئاسایش و ڤێتێرنەریا دهۆکێ کۆمبوونەک ل دۆر تایا خوینبەربوونێ هاتە کرن.

کۆمبوون تایبەت بوو ب رێکارێن پێدڤی بۆ نەهێلانا بەلاڤبوونا نەخۆشیا تایا خوینبەربوونێ ل پارێزگەها دهۆکێ و دوپات کر کو پێدڤیە چاڤدێریەکا چر ل سەر سەربرخانەیان، گوشتفرۆش و جهێن فرشتنا بەرهەمێن تەرشوکەوالی بهێتە کرن.

د کۆمبوونێ دا بریار هاتە دا کو نابیت ب چ رەنگان تەرشوکەوال ژ دەرڤەی سەربرخانەیان و بێی پشکنینێن ڤێتێرنەری بهێنە سەرژێکرن.

د بەیانا پارێزگەها دهۆکی دا هاتیە ژی، رێنمایێن تایبەت ب رێگریکرنێ ل بەلاڤبوونا تایا خوینبەربوونێ دێ هێنە راگەهاند و هەر کەسەکێ سەرپێچیان بکەت دێ رێکارێن یاسایی ل گەل هێنە وەرگرتن.