گاڤ نيوز
فه‌ستيڤالا خوارنێن كوردى ئه‌ڤرۆ رۆژا ئه‌ينيێ بۆ ئێكه‌م جار ل پارێزگه‌ها دهۆكێ ب پشكداريا ژماره‌يه‌كا كۆمپانيان برێڤه‌چوو و دێ بۆ ماوه‌يێ سێ رۆژان به‌رده‌وام بيت.
خه‌يرى عه‌لى رێڤه‌به‌رێ گه‌شتوگۆزارا دهۆكێ بۆ گاڤ نيوز دياركر؛ ئه‌ڤرۆ بۆ ئێكه‌م جار ل هه‌رێمێ فه‌ستيڤاله‌كا تايبه‌ت ب خوارنێن كوردى ڤه ل پارێزگه‌ها دهۆكێ ل پاركا ته‌حسين تاها ده‌ستپێكريه.
ديار ژى كر؛ 30 كۆمپانيێن تايبه‌تمه‌ند ب خوارنێ و گه‌شتوگۆزارێ ڤه ژ هه‌مى ده‌ڤه‌رێن كوردستانێ پشكدارى تێدا كرينه.
گۆت ژى: ئارمانج ژ فه‌ستيڤالێ ئه‌وه ب رێكا نيشاندانا خوارنێن كوردى به‌رێ گه‌شتياران بده‌ينه هه‌رێمێ كو نزيكى 300 خوارنان د فه‌ستيڤالێ دا دهێنه نيشاندان.
راگه‌هاند ژى؛ د فه‌ستيڤالا سالا بهێت دا دێ كۆمپانيێن بيانى ژى پشكداريێ تێدا دكه‌ن.