گاڤ نيوز
ژ ئه‌نجامێ شه‌ڕه‌كێ دا ژ به‌ر پارچه‌يه‌كا ئه‌ردى يا چاندنێ ل قه‌زايا خه‌بات ل هه‌ولێرێ ژماره‌يه‌كا كه‌سان دبنه قۆربانى.
ل گۆره‌ى زانياريێن ميديايى؛ ژ به‌ر كێشه‌يه‌كا خێزانى ل سه‌ر پارچه‌يه‌كا ئه‌ردى يا چاندنێ ل گوندێ كه‌وره‌به‌ن ل قه‌زايا خه‌بات ل پارێزگه‌ها هه‌ولێرێ پێنج كه‌سان گيانێ خۆ ژده‌ستداينه.
رێڤه‌به‌ريا پۆليسێن هه‌ولێرێ د راگه‌هاندنه‌كێ دا دياركريه؛ ئه‌ڤرۆ ئێڤارى ل ده‌مژمێر 7.30 خۆله‌ك رويدانه‌كا شه‌ڕكرنێ ل گوندێ كه‌وره‌به‌ن ل سنوورێ ده‌ڤه‌رداريا رزگارى ل قه‌زايا خه‌بات دناڤبه‌را دو برايان دا ب ناڤێن (ا.ر.پ) و (ح.ر.پ) رويدايه.
ئاشكرا ژى كريه؛ هێزێن ئه‌منى ئێكسه‌ر چووينه جهێ رويدانێ و دياربوويه كو شه‌ڕ ل سه‌ر كێشه‌يه‌كا ئه‌ردى بوو كو شه‌ڕه‌ده‌ڤ دناڤبه‌را مامه‌كێ و سێ برازايان دا ب ناڤێن (ا.ر.پ) و (ن.ح.) و (ف.ح) و (ف.ح.) په‌يدا دبيت و د ئه‌نجامێ گرژيێ دا ژ لايێ ئێكێ (ا.ر.پ) و (ا.ا.ر) و (ز.ا.ر) و (س.ا.ر) دهێنه كۆشتن و ژ لايێ دوێ ژى (ف.ح) دهێته كۆشتن و دو تۆمه‌تبارێن دى يێن بريندار ب ناڤێن (ف.ح.) و (ن.ح.) ژ لايێ پۆليسان ڤه هاتينه ده‌سته‌سه‌ركرن.
ديار ژى كريه: لێكۆلين ل دۆر رويدانێ ده‌ستپێكرينه.