ژبەر سزایێن هندەک وەلاتان ل سەر رۆسیا ئەڤ 10 تشتە دێ ل جیهانێ چێبن

13 گۆلان، 2022

گاڤ نیوز

جێگرێ سەرۆکێ جڤاتا ئەمنا نشتیمانی یا رۆسی راگەهاند؛ ژبەر سزایێن هندەک وەلاتان ل سەر رۆسیا ئەڤ 10 تشتە دێ ل جیهانێ چێبن.

دیمێتری مێدڤیدیڤ 10 خال ل سەر کەنالێ خۆ یێ تیلیگرامی بەلاڤ کرینە و ل سەر نڤیسیە، ژ بەر سزایان ئەڤ 10 تشتە دێ ل جیهانێ چێبن.

1-ژمارەکا زنجیرەیێن بەرهەمئینانا کەلوپەلێن جیهانی دێ هەرفن، دبیت کریزەکا لۆجستی یا مەزن چێبیت، هەروەسا دێ چالاکیێن کۆمپانیێن فرۆکەڤانی یێن بیانی ئەوێن قەدەغەیا فرینێ ل ئاسمانێ رۆسیا کەفتیە سەر دێ هەرفن.

2-کێشەیا وزێ دێ ل وان وەلاتان چێبیت ئەوێن سزا ل سەر رۆسیا سەپاندین و بهایێ سوتەمەنیان دێ گران بن و گەشەکرنا ئابۆرێ دیجیتالی یێ جیهانی دێ گیرو بیت.

3-کریزەکا جیهانی یا خوارنێ دێ چێبیت ل گەل چێبوونا کێشەیێن برسێ ل هندەک وەلاتان.

4-ل هندەک وەلاتان دێ کریزا دارایی و پارەی چێبیت، دراڤێن هندەک وەلاتان دێ جێگیربوونا خۆ ژ دەست دەن و هەلاوسان دێ ب رەنگەکێ بلەز پەیدا بیت و سیستەمێ قانوونی یێ پاراستنا ملکیەتا تایبەت دێ هەرفیت.

5-شەر و پێکدادانێن سەربازی یێ هەرێمێ یێن نوی ل وان دەڤران دێ چێبن یێن چەندین سالە نەگەهشتینە چ چارەیێن ئاشتیێ یان هاتینە پشتگوهاڤێتن ژ بەر بەرژەوەندیێن وەلاتێن مەزن.

6-چالاکیێن تیرۆستی دێ زێدە بن تایبەت پشتی کو دەستهەلاتێن رۆژئاڤا بەرێ خۆ دایە بەرهنگاربوونا رۆسیا.

7-ڤایرۆس و نەخۆشیێن نوی دێ بەلاڤ بن ژ بەرکو هەڤکاریا نێڤدەولەتی د وارێ ساخلەمیێ دا نەمایە یان ژ بەر بکارئینانا چەکێن بایۆلۆجی ب رەنگەکێ راستەوخۆ.

8- چالاکیێن وان سازیێن نێڤدەولەتی دێ راوەستن ئەوێن نەشیاین د بابەتێ چارەکرنا رەوشێ ل ئۆکراینا کارێ خۆ بکەن وەکی جڤاتا ئەورۆپی.

9-هەڤپەیمانیێن نێڤدەولەتی یێن وەلاتان دێ چێبن ل سەر بنەمایێ پراگماتی، نەک ل سەر بنەمایێ ئایدۆلۆجی و ئەنگلۆساکسۆنی.

10-ژ ئەگەرێ ڤان دێ هەیکەلێ ئەمنی یێ نوی چێبیت کو دێ ل سەر بنەمایێ دیفاکتۆیێ دادنپێدانێ ب راستیان کەت و پاشی ل گۆرەی قانوونێ کو ئەڤێن ل خوارێ نە:

ا) لاوازیا تێگەهێن رۆژئاڤایی دەربارەیی پەیوەندیێن نێڤدەولەتی وەکی سیستەم ل سەر بنەمایێ یاسایان و چڤێلیێن دی یێن رۆژئاڤا کو چ رامان بۆ نینە.

ب)هزار جیهانی یا گرێدایی ویلایەتێن ئێکگرتی یێن ئەمریکا دێ هەرفیت.

ت)هەبوونا بەرژوەندیان کو جڤاکا نێڤدەولەتی رێزێ لێ دگریت ل وان وەلاتان ئەو د قوناغەک سەخت یا ئالۆزیان ل گەل جیهانا رۆژئاڤا دەرباز دبن.