ئەمریکا بریارەک د بەرژوەندیا رۆژئاڤا دا دەرئێخست و تورکیا نەرازیە

14 گۆلان، 2022

گاڤ نیوز

وەزارەتا گەنجینەیا ئەمریکا د بریارەکێ دا رێک ب هەبوونا ژمارەکا چالاکیێن ئابۆری ل دەڤەرێن د بن دەستهەلاتا هەسەدێ دا ل رۆژئاڤایێ کوردستانێ دا و تورکیا دبێژیت؛ نابیت ئەو شاشیا ئەمریکا بهێتە قەبویلکرن.

وەزارەتا دەرڤە یا ئەمریکا راگەهاند؛ ل گۆرەی بریارا وەزارەتا گەنجینێ، دێ رێک ب هەبوونا چالاکیێن د وارێ کشتوکال، زانیاری و پەیوەندی، ژێرخانەیا تایبەت ب کارەبێ، ئاڤەدانکرن، ئابۆری، وزەیا پاقژ، ڤەگوهاستن، کۆگەهکرنا پێدڤیان، رێڤەبرنا ئاڤێ، خزمەتگۆزاریێن ساخلەمیێ، پەروەردە، پیشەسازی و بازرگانی دا.

ئەمریکا دبێژیت، ئەڤ بریارە پشتەڤانیەکە بپۆ ستراتیژیێن جۆ بایدنی بۆ ژناڤبرنا داعشێ ب رێکا گەشەکرنا ئابۆری ل وێ دەڤەرێ و دێ ب رێکا وێ بریارێ ژیانا وان کەسان باشتر بیت یێن ژ ئاوارەیێ ڤەدگەرنە جهێن خۆ.

دەربارەی ڤێ بریارا ئەمریکا، رەجەب تەیب ئەردۆغان، سەرۆککۆمارێ تورکیا راگەهاند؛ ئەمریکا شاشیەکا مەزن دکەت کو جوداهیێ د ناڤبەرا پەکەکێ و یەپەگێ دکەت و دبێژیت کو چ جوداهی د ناڤبەرا وان هەردو هێزان دا نینە.

هەروەسا گۆت: نابیت ئەڤ شاشیا ئەمریکا بهێتە قەبیلکرن و دێ هەلویستێ خۆ راگەهینن.

ژ ئالیێ خۆڤە ژی مەزلووم عەبدی، فەرماندەیێ گشتی یێ هێزێن هەسەدێ د تویتەکێ دا سوپاسیا ئەمریکا کر و راگەهاند؛ ئەڤە گاڤەکا مەزنە بۆ بەرهناگربوونا داعشێ و پێشوازیێ ل هەر کۆمپانیەکێ دکەین کو بهێن کارێ خۆ ل دەڤەرێن وان بکەن.