محەمەد بن زاید وەک سەرۆکێ نوی یێ ئیماراتێ هاتە هەلبژارتن

14 گۆلان، 2022

گاڤ نیوز

جڤاتا بلند یا ئیماراتێ ب کۆما دەنگان ئەڤرۆ محەمەد بن زاید، حاکمێ ئەبۆزەبی ل شوینا شێخ خەلیفە بن زاید ئالنەهیان یێ وەغەرکری وەک سەرۆکێ نوی یێ ئیماراتێ هەلبژارت.

محەمەد بن زاید حاکمێ ئەبۆزەبی یە و برایێ شێخ خەلیفە بن زاید ئالنەهیان یێ وەغەر کریە.

د کۆمبوونا جڤاتا بلندا ئیماراتێ دا هەر ئێک ژ سولتان قاسمی، حاکمێ شارقە، حەمید نەعیمی، حاکمێ عەجمان، حەمەد شەرقی، حاکمێ فەجیرە، سعوود معەلا، حاکمێ ئوم قەیوین و سەقەر قاسمی، حاکمێ رەئس خەیمە پشکداربوون.

تانوکە شوینگرێ محەمەد بن زاید بۆ پۆستێ حاکمێ ئەبۆزەبی نەهاتیە دیارکرن و دهێتە پێشبینیکرن کورێ وی خالد بن محەمەد بن زاید ئالنەهیان بهێتە دانان.