نەتەوەیێن ئێکگرتی داخواز ژ ئیراقێ کر سزایێن سێدارەدانێ رابگرن

14 گۆلان، 2022

گاڤ نیوز

لژنەیا نەتەوەیێن ئێکگرتی یا دژی ئەشکەنجەدانێ راپۆرەتک ل دۆر رەوشا زیندانیان ل ئیراقێ بەلاڤ کریە و نەرازیبوونا دەربارەی وێ سەرەدەریا ل گەل زیندانیێن ئیراقێ دهێتە کرن، دەربری.

دراپۆرتێ دا هاتیە، هندەک ژ وان کەسێن لێکۆلینێ ل گەل زیندانیان دکەن سەرەدەریەکا خراب ل گەل دکەن و بەرپرسێن ئیراقێ ژی چ گاڤ بۆ راوەستاندنا وان سەرەدەریان نەهاڤێتینە. 

هەروەسا راگەهاندیە؛ لژنەیا نەتەوەیێن ئێکگرتی داخوازێ ژ حکومەتا ئیراقێ دکەت ب زویترین دەم ریكاران بگریتە بەر و لێپرسینێ ل گەل وان کەسان بکەن یێن زیندانیان ئەشکەنجە ددەن.

د راپۆرتێ دا هاتیە ژی، ل گۆرەی یاسایا بەرهنگاربوونا تیرۆرێ سزایێ سێدارەدانێ دهێتە بجهئینان، زیندانیێن د زیندانا ناسریە دا چاڤەرێ سزایێ سێدارەدانێ دکەن و د رەوشەکا خراب دا دژین و دهێنە ئەشکەنجەدان.

 نەتەوەیێن ئێکگرتی داخواز ژ ئیراقێ کریە سزایێ سێدارەدانێ رابگرن و رەوشا وان زیندانیان ژی باشتر بکەن ئەوێن سزایێن سێدارەدانێ بسەر دا هاتیە سەپاندن.