هێزێن زێرەڤانیا سنۆری یێن ئیراقێ خالەکا سەربازی ل گوندێ هرۆرێ دانا

14 گۆلان، 2022

گاڤ نیوز

ل دەردورێن گوندێ هرۆرێ ل دەڤەرا کانی ماسێ هێزێن زێرەڤانیا سنۆری یێن ئیراقێ خالەکا دی یا سەربازی دانا.

ل گۆرەی زانیاریێن پەیامنێرێ گاڤ، هێزێن زێرەڤانیا سنۆری یێن ئیراقێ خالا نوی یا سەربازی ل سەرێ چیایێ پەتا دانایە کو کێمتر ژ کیلۆمەترەکێ ژ گوندی دویرە و پێشتر ژی بەری نێزیکی هەیڤ و نیڤان خالەکا دی ژی ل سەرێ قومریێ دانابوو و ئەڤە خالا حەفتێ یە ل وێ دەڤەرێ دهێتە دانان.

پتری سالەکێ یە گۆندێ هرۆرێ و دەردورێن وی گوندی ل دەڤەرا کانی ماسێ ژ ئالیێ فرۆکەیێن تورکیا ڤە دهێنە بۆمبەباران و تۆپبارانکرن و چەندین جار تۆپێن تورکیا ل ناڤا گوندی کەفتینە خوار و زیانەکا مەزن یا مادی بەر خەلکێ گوندی کەفتیە.