21 کەسێن دی ل کۆریا باکۆر ژ ئەگەرێ تایێ مرن

14 گۆلان، 2022

گاڤ نیوز

قوربانیێن وێ تایا بسەر کۆریا باکۆر دا گرتی زێدە بوون و تانوکە دەستهەلاتا وی وەلاتی پەیوەندیا وێ تایێ ب ڤایرۆسێ کۆرۆنایێ ڤە دیار نەکریە.

بەری دو رۆژا پتری 170 هزار کەسان ل کۆریا باکۆر تووشی تایەکێ بوون و رەوشا ساخلەمیا ژمارەکا زێدە یا خەلکی تێکچوو.

ب رۆژەکێ بەری دەرکەفتنا وێ تایێ دەستهەلاتا کۆریا باکۆر ئێکەم حالەتێ تووشبوونێ ب ڤایرۆسێ کۆرۆنایێ راگەهاند و دوهی ئێکەم حالەتێ مرنێ ژی راگەهاند.

ئاژانسا فەرمی یا کۆریا باکۆر راگەهاند؛ تا ئاڤرۆ 21 کەس ب وێ تایێ مرینە و کەسەک ژی هاتیە پشتراستکرن کو ب ڤایرۆسێ کۆرۆنایێ مریە، لێ تانوکە ئەگەرێن وێ تایێ دیار نەبووینە.