نێتفلێکسێ پشکا دوێ ژ زنجیرەیا سکوید گەیم راگەهاند

13 خزیران، 2022

گاڤ نیوز

کۆمپانیا نێتفلێکس بەرهەمئینان و پەخشکرنا پشکا دوێ ژ زنجیرەیا کۆری یا ب ناڤودەنگ سکوید گەیم راگەهاند.

زنجیرەیا کۆری یا ب ناڤودەنگ سکوید گەیم پشتی پەخشکرنێ ل سەر تۆرا نێتفلێکسێ ل ئیلوونا سالا 2021، بوویە پربینەرترین زنجیرە ل سەر نێتفلێکسێ و ناڤودەنگیەکا مەزن دەستخۆڤەئینایە، چیرۆکا وێ بەحس ل ژمارەکا وان کەسان دکەت یێن تووشی هەژاریەکا توند بووین و نەچارن ژبۆ دەستڤەئینان یان ژدەستدانا ژیانا خۆ یاریێن زارۆیان دکەن.

کۆمپانیا نێتفلێکس دوپات کر کو پشکا دوێ ژ وێ زنجیرێ دێ هێتە بەرهەمئینان و پەخشکرن، لێ ژڤانێ پەخشێ دیار نەکر.