گاڤ نيوز
سناپ چه‌ت دێ خزمه‌تگۆزاريه‌كا نوى ب ناڤێ Snapchat+ بۆ بكارهينه‌ران به‌رانبه‌ر پاره‌ى به‌رده‌ست كه‌ت.
ئه‌ليساندرۆ پالوزى پێشڤه‌به‌رێ ئه‌پليكه‌يشنان د تويته‌كێ دا راگه‌هاند؛ سناپ چه‌ت دێ خزمه‌تگۆزاريا پشكداريان ب ناڤێ Snapchat+ ب بوهايێ هه‌يڤانه 4 دولار و 83 سه‌نتان به‌رده‌ست كه‌ت.
ئاشكرا ژى كر؛ دێ هنده‌ك نووچه، بابه‌ت و به‌لاڤكريێن تايبه‌ت بۆ پشكدارێن ڤێ خزمه‌تگۆزاريێ دێ به‌رده‌ست بن كو بۆ بكارهينه‌رێن ئاسايى د به‌رده‌ست نابن.
ل گۆره‌ى مالپه‌رێن ته‌كنولوژيايێ؛ بكارهينه‌ر دشێن پشكداريا سالانه ژى بكه‌ن و بوهايێ وێ دێ 48 دولار و 4 سه‌نت بن.
د چارێكا ئێكێ يا ئه‌ڤ ساله دا، داهاتێ سناپ چه‌تى گه‌هشتبوو 1.06 مليار دولاران ب زێده‌بوونا ب رێژه‌يا 38% ل گه‌ل هه‌مان ده‌مى د سالا بۆرى دا.
هه‌ڤده‌م ژماره‌يا بكارهينه‌رێن رۆژانه د چالاك د سناپ چه‌تى دا ب رێژه‌يا 18% بلندبوويه.