راشفۆرد سکالایێ ل مسریەکی دکەت و 10 پارێزەران دهێنریتە وی وەلاتی

18 خزیران، 2022

گاڤ نیوز 

ئێک ژ یاریکەرێن بەرنیاس یێن پرێمەرلیگێ سکالایێ ل سەر قوتابیەکێ مسری تۆمار دکەت و بۆ وێ مەرەمێ 10 پارێزەران دهنێریتە مسرێ.

مارکۆس راشفۆرد، یاریکەرێ یانەیا مانچستەر یۆنایتد و هەلبژارتیێ ئنگلتەرا 10 پارێزەر هنارتینە مسڕێ و سکالا ل سەر قوتابیەکێ مسری تۆمار کریە، ژبەر کو وی یاریکەری د تۆڕێن جڤاکی دا خەبەر گۆتینێ و هندەک کۆمێنتێن رەگەزپەرستانە بۆ نڤیسینە.

دەربارەی بابەتی، پارێزەرێ قوتابی دبێژیت: ل دەمێ ئەو قوتابی چوویە لایێ وی و گۆتیێ راشفۆردی سکالا ل سەر من تۆمار کریە، وی باوەر نەکر، لێ پشتی ل دادگەهێ دویڤچوون بۆ کری، دەرکەفت بابەت ب وی رەنگی.

هەروەسا دبێژیت: ل دادگەهێ روینشتنا ئێکێ بۆ کەیسێ هاتیە کرن، لێ ژبەر کو بۆ دادوەران ژی کەیس یا سەیر بوو، لەورا دادگەهـ بۆ 7 تیرمەها ئەڤسالە هاتیە پاشخستن.

پارێزەرێ وی قوتابیێ مسری دبێژیت: پارێزەرێن راشفۆردی وەک کۆژمێ دەستپێکی داخوازا 15 هزار پاونان دکەن و پشتی هینگێ دێ کۆژمێ قەرەبوویێ یێ گشتی دێ دیار کەن.