رێكخراوا ساخله‌ميێ يا جيهانى ده‌رمان و پێدڤيێن پزيشكى بۆ به‌رسينگگرتنا كولێرايێ گه‌هاندنه‌ سلێمانيێ

20 خزیران، 2022

گاڤ نيوز

رێكخراوا ساخله‌ميێ يا جيهانى ئه‌ڤرۆ رۆژا دوشه‌مبيێ هاريكاريێن پزيشكى يێن ب له‌ز بۆ به‌رسينگگرتنا نه‌خۆشيا كولێرايێ ره‌وانه‌ى پارێزگه‌ها سلێمانيێ كرن.

د به‌يانه‌كا WHO دا هاتيه‌؛ مه‌ باره‌كێ ده‌رمان و پێدڤيێن پزيشكى ژ بۆ پارێزگه‌ها سلێمانيێ بۆ پشته‌ڤانيا وه‌زاره‌تا ساخله‌ميێ يا هه‌رێمێ بۆ كونترۆلكرنا نه‌خۆشيا كولێرايێ ڤرێكرينه‌.

هاريكاريێن رێكخراوا ساخله‌ميێ يا نێڤده‌وله‌تى ژ 4 پاكێجێن ده‌رمان و پێدڤيێن پزيشكى پێكدهێت و دێ پێدڤيێن نزيكى 5 هزار كه‌سان بۆ ماوه‌يێ سێ هه‌يڤان دابين كه‌ن.

ل گۆره‌ى به‌يانێ؛ د. سامان به‌رزنجى وه‌زيرێ ساخله‌ميێ يێ هه‌رێمێ ل رێوره‌سمێن وه‌رگرتنا هاريكاريێن WHO يێ به‌رهه‌ڤ بوو كو ل دۆر حاله‌تێن كۆرۆنايێ ل هه‌رێمێ دياركريه‌؛ تێستێن تاقيگه‌هى ديار دكه‌ن كو 13 حاله‌تێن كولێرايێ تا نوكه‌ ل هه‌رێمێ هاتينه‌ تۆماركرن و 10 ژ وان ل پارێزگه‌ها سلێمانيێ نه‌.