زانیاریێن نوی و تایبەت دەربارەی هاتنا پانزینا 800 دیناری بۆ دهۆکێ

20 خزیران، 2022

گاڤ نیوز – تایبەت 

بۆ جارا دویێ پانزینا 800 دیناری بۆ پارێزگەها دهۆکێ دێ هێتە هنارتن و دێ ل 10 پانزینخانەیێن سەنتەرێ دهۆکێ و پانزینخانەیێن زاخۆ و سێمێلێ هێتە بەلاڤکرن.

ژێدەرەکێ ئاگەهدار بۆ گاڤ نیوز گۆت: بریارە ئەڤرۆ گەرا دویێ یا پانزینا 800 دیناری بگەهیتە دهۆکێ و هەردەمێ گەهشت، دێ ل 10 پانزینخانەیێن سەنتەرێ پارێزگەها دهۆکی و پانزینخانەیێن ئیدارەیا سەربەخۆ یا زاخۆ و هەروەسا پانزینخانەیێن دەڤەرداریا سێمێلێ هێتە بەلاڤکرن.

وی ژێدەری هەروەسا دیار کر: پشکا پارێزگەها دهۆکێ ب گشتی 27 تانکەرن کو هەر تانکەرەکی 35 تا 36 هزار لتران تێدانە و پشکا سەنتەرێ دهۆکێ ژ وێ پانزینێ نێزیکی 360 هزار لترانە و هەر دەمێ گەهشت، ئێکسەر دێ دەست ب دابەشکرنا وێ هێتە کرن.

دەربارەی پانزینا 690 دیناری، وی ژێدەری خۆیا کر: رۆژانە 2 تانکەرێن وێ پانزینێ بۆ پانزینخانەیا سەن ئۆیل دهێن و رۆژانە 1 تا 3 تانکەرێن دی یێن وێ پانزینێ بۆ پارێزگەها دهۆکێ دهێن و ل پانزینخانەیێن جودا ب سەر وەلاتیان دا دهێتە دابەشکرن.