رۆژنامەڤانەکێ رۆسی نۆبلا خۆ یا ئاشتیێ بۆ زارۆکێن ئۆکراینا فرۆشت

21 خزیران، 2022

گاڤ نیوز 

رۆژنامەڤانەکێ رۆسی خەلاتێ خۆ یێ نۆبلا ئاشتیێ فرۆشت و پارەیێ وێ بۆ زارۆکێن ئۆکراینی تەرخان کر.

دیمتری مۆراتۆڤ، رۆژنامەڤانێ رۆسی کو پار ب هەڤپشکی ل گەل ماریا ریسا یا فلپینی خەلاتێ نۆبلا ئاشتیێ وەرگرتبوو، دوهی د سەرئێکزێدەکرنەکا ئاشکرا دا خەلاتێ خۆ ب 103 ملیۆن و 500 هزار دۆلاران فرۆشت.

مۆراتۆڤ کو سەرنڤیسەرێ رۆژنامەیا نۆڤایا جازیتا یە، دەربارەی بابەتی د داخۆیانیەکێ دا راگەهاند: پارەیێ ژ فرۆشتنا خەلاتێ نۆبل ب دەست وی ڤە هاتی دێ بۆ یۆنیسێفێ هێتە ڤەگوهاستن و دێ د خزمەتا زارۆکێن دەربدەر یێن ئۆکراینی دا هێتە خەرجکرن.