گاڤ نيوز
دهێته چاڤه‌رێكرن سوبه‌هى رۆژا پێنجشه‌مبيێ به‌ربژارێن پێگوهۆڕێن په‌رله‌مانتارێن سه‌دريان يێن ده‌ستژكاركێشايى د روينشتنا په‌رله‌مانێ ئيراقێ دا سويندا ياسايى بخۆن.
ژێده‌ره‌كێ ژ په‌رله‌مانێ ئيراقێ بۆ ئاژانسا شه‌فه‌ق نيوز دياركر؛ ل دويڤ راسپارده‌يێن سه‌رۆكاتيا په‌رله‌مانێ ئيراقێ، داخواز ژ 73 به‌ربژارێن سه‌رنه‌كه‌فتى د هه‌لبژارتنان دا هاتيه كرن يێن كو پترين ده‌نگ ل بازنه‌يێن هه‌لبژارتنان يێن په‌رله‌مانتارێن سه‌دريان تێدا پشكدار بووين، بده‌ستڤه‌ئيناين، كو د روينشتنا سوبه‌هى پێنجشه‌مبيێ يا په‌رله‌مانى دا ژ بۆ سويندخوارنا ده‌ستوورى بۆ ده‌ستبكاربوونێ ل جهێ په‌رله‌مانتارێن ره‌وتێ سه‌در يێن ده‌ستژكاركێشايى به‌رهه‌ڤ ببن.
ژ به‌رى نوكه په‌رله‌مانتارێن ره‌وتێ سه‌در ل سه‌ر داخوازا موقته‌دا سه‌در رێبه‌رێ ره‌وتى ده‌ستژكاركێشانێن خۆ پێشكێشى سه‌رۆكاتيا په‌رله‌مانێ ئيراقێ كربوون و سه‌رۆكێ په‌رله‌مانى ئيمزا ل سه‌ر كربوو.