تێليگرام دێ پشكداريا ب پاره‌ به‌رده‌ست كه‌ت

22 خزیران، 2022


گاڤ نيوز


ئه‌پليكه‌يشنێ تێليگرامى دێ پشكداريا هه‌يڤانه‌ يا به‌رانبه‌ر پاره‌ى به‌رده‌ست كه‌ت.

ژ به‌رى چه‌ند رۆژان، سناپ چه‌ت هه‌مان بڕيار دابوو و ئه‌ڤرۆ تێليگرام ژى ڤێ چه‌ندێ رادگه‌هينيت.

مالپه‌رێ Aitnews راگه‌هانديه‌؛ تێليگرام دێ پشكداريا ب پاره‌ به‌رده‌ست كه‌ت كو دێ ژماره‌يه‌كا ساخله‌تێن نوى تێدابن وه‌كى ڤرێكرنا فايلێن قه‌باره‌يێ وان 4 گێگا، داونلودكرنه‌كا ب له‌زتر، فه‌له‌وكرنا نزيكى 1000 كه‌نالان و دروستكرنا 20 فولده‌رێن چه‌تى كو هه‌ر ئێك ژ وان 200 چه‌ت تێدا بن.

تا نوكه‌ كۆمپانيێ ديار نه‌كريه‌ كا دێ بوهايێ پشكداريا هه‌يڤانه‌ د خزمه‌تگۆزاريا نوى دا چه‌ند بيت، لێ ل گۆره‌ى هنده‌ك پێشبينيان دێ دناڤبه‌را 5 تا 6 دولاران دا بيت.

ئه‌پليكه‌يشنێ تێليگرامى پتر ژ 700 مليۆن پشكدارێن چالاك هه‌نه‌ و پشكداريا به‌رانبه‌ر پاره‌ى ژ بۆ به‌رفره‌هكرنا ژماره‌يا پشكدارێن خۆ به‌رده‌ست كريه‌.