گاڤ نیوز – تایبه‌ت
پانزینا بازرگانى ل مویسلێ گرانبوو و هه‌ر لتره‌ك ب هزار دیناران دهێته فرۆتن، قائیمقامێ مویسل ژى دبێژیت: ئێدى ب تنێ دێ ئاكنجیێن مویسلێ پانزینا حكومى وه‌رگرن.
ئەمین فنش معماری، قائیمقامێ قەزایا ناڤەندی یا مویسلێ بۆ گاڤ نیوز گۆت: ڕۆژانە 3 ملیۆن لترێن پانزینێ بۆ پارێزگەها مویسل دهێن و دگەل هندێ ژی دا قەیرانا په‌نزینێ ل مووسلێ چێبوویه، ژبه‌ركو هندەک شوفێر رۆژانە هەتا پێنج جاران ژی په‌نزینێ وەردگرن و ب بهایێ بازرگانی دفرۆشن و ئەڤ چەندە ژی بویە ئەگەر قەیرانا پانزینێ دروست ببیت.
قائیمقامێ مویسلێ گۆت ژی: ژبۆ وێ یه‌كێ ڕێ ل بازرگانیکرنا ب په‌نزینا حکومی بهێته گرتن و حكومه‌ت کۆنترۆلا قەیرانێ بکەت، وان بریاردایه به‌لاڤكرنا پانزینێ ببیته پلێت (كۆبوون) و هینگێ ب تنێ ئاكنجیێن مووسلێ دێ شێن پانزینێ وه‌رگرن و هەر شوفێرەکى ژى دێ ماف هه‌بیت ب تنێ رۆژێ جاره‌كێ پانزینێ وه‌ربگریت.
ده‌رباره‌ى ئه‌و شۆفێرێن ژ دهۆكێ دچنه مویسل پانزینێ، قائیمقامێ مویسل گۆت: وان شۆفێران ب تنێ ماف هه‌یه پانزینا بازرگانى وه‌ربگرن كو دێ ل 2 پانزینخانه‌یێن مویسل هێته به‌لاڤكرن.