د 5 رۆژان دا پترین سكالا ل پارێزگه‌ها دهۆكێ هاتینه‌ تۆماركرن

23 خزیران، 2022

گاڤ نیوز

حكومه‌تا هه‌رێما كوردستانێ راگه‌هاند، د 5 رۆژان دا ل پارێزگه‌ها دهۆكێ 104 سكالا ل توندوتیژیا ژنان و خێزانێ هاتینه‌ تۆماركرن.

ل گۆرەى وه‌زاره‌تا ناڤخۆ یا حكومه‌تا هه‌رێما كوردستانێ ژ 12 تا 16ى ڤێ مه‌هێ 299 سكالا ل توندوتیژیا ژنان و خێزانێ هاتینه‌ تۆماركرن و 104 ژ وان ل پارێزگه‌ها دهۆكێ نه‌، ل هه‌ولێرێ 91، ل سلێمانیێ 72، گه‌رمیان 19 و ل راپه‌رین ژى 13 سكالا هاتینه‌ تۆماركرن.

وه‌زاره‌تا ناڤخۆ دیاركریه‌، هه‌ر د وان 5 رۆژان دا 3 حاله‌تێن ده‌ستدرێژیا سكسى و 2 حاله‌تێن خۆسۆتنێ ژى هه‌بووینه‌، ل گۆرى وه‌زاره‌تێ رێژه‌یا توندوتیژیێ به‌ر ب كێمبوونێ چوویه‌.