گاڤ نیوز – تایبه‌ت

سکالا ل سەر 16 فەرمانبەر و رێڤه‌به‌رێن به‌رێ یێن رێڤەبەریەکا پارێزگەها دهۆکێ هاتە تۆمارکرن و پشتی لێپرسین ل گەل وان هاتیە کرن، ب کەفالەت هاتنە ئازادکرن.

ل گۆرەی زانیاریێن گاڤ نیوز، ب سووچا بەلاڤکرنا ماددەیێن خوارنێ یێن بێ كوالێتى و خراب، سکالا ل سەر 16 فەرمانبەرێن بەرێ و نوکە یێن رێڤەبەریا کۆچ و کۆچبەران هاته‌ تۆمارکرن و ژمارەکا رێڤەبەرێن بەرێ ژی د ناڤ وان کەسان دانە.

گاڤ ل گۆرەی ژێدەرەکێ تایبەت زانی یە: سکالا ژ ئالیێ رێڤەبەرێن نوکە یێن هندەک کەمپان ڤه‌ هاتیە تۆمارکرن و کەسێن سکالا ل سەر هاتیە تۆمارکرن، هاتینە گازیکرن، ئیفادەیێن وان هاتینە وەرگرتن و ب کەفالەت هاتینە ئازادکرن.

ژێدەرەکێ دی ژ رێڤەبەریا کۆچ و کۆچبەران بۆ گاڤ نیوز گۆت: رێڤەبەریا وان چ پەیوەندی ب بابەتی ڤە نینە، ژبەرکو رازیبوون ل سەر تەندەرێن بەلاڤکرنێ ژ وەزارەتا کۆچ و کۆچبەران ل بەغدا دهێتە دان و لژنەیەکا ساخلەمیا دهۆکێ ژی بەری بەلاڤکرنێ ئاهێن خوارنێ پەسەند دکەت و کارێ رێڤەبەریا وان ئەوە بتنێ وان سەلکێن خوارنێ وەربگریت و ل سەر ئاوارەیان بەلاڤ بکەت.