شانده‌كێ وه‌زاره‌تا پێشمه‌رگه‌یی ل به‌غدا یه‌

23 خزیران، 2022

گاڤ نیوز

هه‌ڤپه‌یمانیا نێڤده‌وله‌تیا دژى داعشێ پشته‌ڤانیا خۆ بۆ پێكڤه‌كاركرنا هێزێن پێشمه‌رگه‌ى و سوپایێ ئیراقێ نیشاندا.

هه‌ڤپه‌یمانیا نێڤده‌وله‌تیا دژى داعشێ د تویته‌كى دا راگه‌هاند، هه‌ڤپه‌یمانى پشته‌ڤانیێ ل به‌رده‌وامبوونا ئێكگرتنا سه‌ربازى و هاریكاریا ئێمناهیێ دناڤبه‌را پێشمه‌رگه‌یێ كوردستانێ و هێزێن هه‌ڤپشكێن ئیراقێ دكه‌ت.

هه‌ڤده‌م ئه‌ڤرۆ شانده‌كێ وه‌زاره‌تا پێشمه‌رگه‌ سه‌ره‌دانا به‌غدایا پایته‌ختێ ئیراقێ كرى یه‌ دگه‌ل فه‌رماندێن سوپایێ ئیراقێ دانوستاندن ل دۆر هژماره‌كا باده‌كێن ئێمناهیێ و سه‌ربازى یێن هه‌ڤپشك كرى یه‌، د كۆمبوونان دا رژدى ل پێكئینانا دو لیوایێن هه‌ڤپشك دناڤبه‌را پێشمه‌رگه‌ى و هێزێن سوپایێ ئیراقێ دا هاتیه‌ كرن.