وه‌زیرێ ئاڤه‌دانكرنێ: پرۆژێ هێلا ئاسنى دێ كه‌ڤیته‌ د قۆناغا بجهئینانێ دا

23 خزیران، 2022

گاڤ نیوز

وه‌زیرێ ئاڤه‌دانكرن و ئاكنجیكرنا هه‌رێما كوردستانێ رادگه‌هینیت، هێلا ئاسنى دێ كه‌ڤیته‌ د قۆناغا بجهئینانێ دا.

دانا عه‌بدولكه‌ریم، وه‌زیرێ ئاڤه‌دانكرن و ئاكنجیكرنێ ل هه‌رێما كوردستانێ د كۆنگره‌یه‌كێ رۆژنامه‌ڤانى دا راگه‌هاند، د كابینه‌یا نوى دا 60 پڕۆژه‌ د وارێ رێكان دا هاتینه‌ چێكرن و نێزیكى هزار و 200 كیلۆمترێن پڕۆژه‌یێن رێك و بانان بووینه‌، هه‌روه‌سا گۆت: دێ هێلا ئاسنى ئێخینه‌ د قۆناغا بجهئینانێ دا و گرێبه‌ستا تایبه‌ت بۆ ڤێ یه‌كێ هاتیه‌ كرن.

وه‌زیرێ ئاڤه‌دانكرنێ گۆت ژى: زێده‌تر ژ 9 هزار یه‌كیێن ئاكنجیبوونێ هاتینه‌ ته‌مامكرن و دێ ب سه‌ر وه‌لاتیان دا هێنه‌ به‌لاڤكرن و سندۆقا ئاكنجیبوونێ ژى دێ هێته‌كاراكرن و حكومه‌ت دڤى وارى دا دێ رێنمایان ده‌رئێخیت.

دانا عه‌ردولكه‌ریمى دازانین ژى، هاتیه‌ پێشنیازكرن هه‌یڤانه‌ 10 ملیۆن دۆلار ژ داهاتێ په‌ترۆلێ بۆ پڕۆژه‌یێن رێكان بهێنه‌ ته‌رخانكرن.