وه‌زیرێ ساخله‌میێ دبێژیت: 10%ێ یا حاله‌تێن زكچوونا توند كولێرایه‌

23 خزیران، 2022

گاڤ نیوز – تایبه‌ت

وه‌زیرێ ساخله‌میا هه‌رێما كوردستانێ رادگه‌ینیت، 10%ێ یا حاله‌تێن زكچوونا توند كولێرایه‌ و تا نوكه‌ ل پارێزگه‌ها دهۆكێ چ حاله‌ت نه‌هاتینه‌ تۆماركرن.

د. سامان به‌رزنجى، وه‌زیرێ ساخله‌میا حكومه‌تا هه‌رێما كوردستانێ بۆ گاڤ نیوز گۆت: 10%ێ ژ زكچوونا توند یا نوكه‌ ل هه‌رێمێ به‌لاڤبووىى، تووشبوویێن كولێرایێ نه‌ و پترین رێژه‌ ل پارێزگه‌ها سلێمانیێ هاتیه‌ تۆماركرن و ل هه‌ولێرێ ژى ئه‌و نه‌خۆشیه‌ به‌لاڤ بوویه‌، لێ ل پارێزگه‌ها دهۆكێ تا نوكه‌ چ حاله‌ت نه‌هاتینه‌ پشتراستكرن.

وه‌زیرێ ساخله‌میا هه‌رێمێ گۆتژى: ئاڤ، كه‌سكاتى و فێقیێ پیس ئه‌گه‌رێن سه‌ره‌كى یێن كولێرایێ نه‌ و باشتره‌ نه‌خۆش ب زویترین ده‌م خۆ ب گه‌هینیته‌ نه‌خۆشخانێ، به‌رۆڤاژى دێ ره‌وشا نه‌خۆشى كه‌ڤیته‌ به‌ر مه‌ترسیێ ب تایبه‌ت ژى كه‌سێن دانعه‌مر كو دێ كارتێكرنه‌كا خراب ل گولچیسكێن وان بیت.