گاڤ نیوز – تایبه‌ت
سێ سالن كێشه‌یا راكرنا گلێشى ل زاخۆ هه‌یه، كۆمپانى دبێژیت: ئه‌گه‌رێ ڤێ كێشێ حكومه‌ته، حكومه‌ت ژى كۆمپانیێ سووچبار دكه‌ت.
گاڤ دیڤچوونه‌كا مه‌یدانى ل تاخێن زاخۆ كریه، وه‌لاتى دبێژن ئه‌م ژ بێهن و مانا گلێشى ل سه‌ر جادده‌یا بێزاربووینه، ژبلى سیمایێ كرێت و نه‌شارستانى ئه‌م ژ ساخله‌میا زارۆیێن خۆ ژى دترسین، هه‌ڤده‌م نوینه‌رێ كۆمپانیا هیزل یا راكرنا گلێشى ل زاخۆ دبێژیت: وان خه‌مسارى نه‌كریه، به‌رۆڤاژى ئه‌و كار ب كێمترین ترومبێل و كرێكاران دكه‌ن و حكومه‌ت پاره‌یێ وان ژى ناده‌تێ و گۆت: 10 سلفێن وان ب كۆژمێ 3 ملیار دیناران ل ده‌ڤ باژێڕڤانیا زاخۆنه.
ژ ئالیێ خۆ ڤه باژێڕڤانیا زاخۆ دبێژیت: وان كێشه ل گه‌ل گرێبه‌ستا كۆمپانیێ هه‌نه، كو نه ل گۆره‌ى خواستا زاخۆ بوو و ئه‌و شاشیێن د گرێبه‌ستێ دا هاتینه‌كرن د گرێبه‌ستا نوى دا ناهێنه‌كرن.
ل دۆر قه‌رێن كۆمپانیا هیزل ژى باژێڕڤانیێ گۆت: چ پارێ وه‌سا ل ده‌ف باژێڕڤانیێ نه‌مایه و ئه‌وێ ماى ژى دێ ژ پێش سزایان ڤه هێته راكرن و یێ دى دێ بۆ كۆمپانیێ هێته ڤه‌گه‌ڕاندن.