ده‌ليڤه‌يێن كارى ل هه‌ولێرێ بۆ ده‌رچوويێن كوليژ و په‌يمانگه‌هێن چاندنێ هاتنه‌ راگه‌هاندن

05 تەباخ، 2022

گاڤ نيوز

رێڤه‌به‌ريا چاندنێ ل هه‌ولێرێ ئه‌ڤرۆ رۆژا ئه‌ينيێ راگه‌هاند كو ده‌رگه‌هێ فه‌رمانبه‌ربوونێ بۆ ده‌رچوويێن كوليژ و په‌يمانگه‌هێن چاندنێ هاته‌ ڤه‌كرن و ژماره‌يه‌كا ده‌ليڤه‌يێن كارى هاتينه‌ به‌رده‌ستكرن.

محه‌مه‌د وه‌رتى رێڤه‌به‌رێ گشتى يێ چاندنێ ل هه‌ولێرێ بۆ شه‌فه‌ق نيوز دياركر؛ رێڤه‌به‌ريا چاندنێ ل هه‌ولێرێ ده‌رگه‌هێ فه‌رمانبه‌ربوونێ بۆ ده‌رچوويێن كوليژ و په‌يمانگه‌هان ڤه‌كريه‌ و ل سه‌ر وان پێدڤيه‌ سيڤيێن خۆ ژ بۆ رێڤه‌به‌ريێ ڤرێكه‌ن.

ديار ژى كر؛ تا نوكه‌ رێڤه‌به‌ريێ 240 سيڤيێن ده‌رچوويان وه‌رگرتينه‌ و پتريا وان ژ ده‌رچوويێن نوى نه‌.

ناڤهاتى خۆيا ژى كر؛ رێڤه‌به‌ريێ تا نوكه‌ سێ خۆلێن فێركرنێ بۆ كه‌سێن حه‌زا فه‌رمانبه‌ربوونێ هه‌ين ژ بۆ گه‌شه‌پێدانا شيانێن وان يێن كارى و بده‌ستڤه‌ئينانا شاره‌زايێن نوى ڤه‌كرينه‌.

ئاشكرا ژى كر؛ دێ ئاستێ پێشكێشكه‌ران د بوارێن زانينا پتر ژ زمانه‌كێ دا، هه‌بوونا شاره‌زاييا كارى ژ به‌رى نوكه‌ و شيانێن وان يێن دى هێنه‌ به‌رچاڤوه‌رگرتن.