خێزانەکا ئەمریکی ژبەر هەبوونا 18 زارۆیان کەفتیەر بەر رەخنەیان

14 ئیلوون، 2022

گاڤ نیوز

دوو هەڤژینێن ئەمریکی 18 زارۆک هەنە، ڤی بابەتی ل ئەمریکا دەنگ ڤەدایە و کەفتینە بەر رەخنەیان.  هندەک کەس دبێژنێ: ل گەل زێدەبوونا ژمارەیا مرۆڤان ل سەر روویێ ئەردی، پێدڤی ناکەت ئێک خێزان 18 زارۆک هەبن.


دیزیریا و کریستۆفەر دو هەڤژینێن ئەمریکی نە، بەری هەڤژینیێ پێک بینن، کریستۆفەر بابێ 8 زارۆکان بوو، دیزیریا ژی دایکا 3 زارۆکان بوو و پشتی وان هەڤژینی پێک ئینای، 7 زارۆکێن دی بووینە.

دیزیریا دبێژیت: خەلک گەلەک کۆمێنت و نامەیێن بئێش بۆ مە فرێدکەن، ژبەرکو مە هندە زارۆک هەنە. د دەمەکی دا کو رێژەیا ئاکنجیێن سەر ئەردی زێدەیە، لێ دگەل ئەڤێ چەندێ ژی دا ئەم بخۆشحالی و سەربلندی ڤە ژیانا خۆ دبۆرینین.


کریستۆڤەرێ بابێ وان زارۆیان ژی دبێژیت: مەزنترین زارۆکێ مە هێشتا ژیێ وی د بن 18سالیێ دایە و بۆ هەر گەشتەک یان سەیرانەکێ ئەم چەندین ترۆمبێلێن بەرفرەهـ و مەزن دگرین بۆ وێ چەندێ ئەم بسەلامەتی بچین و ڤەبگەڕین. 


کریستۆفەر دبێژیت:  جەژنا ژدایکبونا هەمی زارۆکێن مە دکەڤیتە هەیڤا کانونا ئێکێ و هەر سال بۆ ساخکرنا ئەڤێ رۆژێ پتری 10 هزار دۆلاران خەرج دکەم و رۆژبوونەکا بزەحمەت و قەرەبالغە، لێ گەلەک یا خۆشە.

دیزیریا ژی دبێژیت: رۆژانە بۆ کڕینا پێدڤیاتیێن خوارنێ و ناڤمالێ دچمە بازاڕی و هەر جارەکێ ژ وان د ناڤبەرا 250 تا 500 دۆلاران خەرج دکەم.