ئاساییشا ئاکرێ زانیارییێن نوى ل دۆر كوشتنا عه‌قید سابرى ئاشكرا دكه‌ت

17 ئیلوون، 2022

گاڤ نیوز 

ئاساییشا ئاکرێ رۆنکرنەک دەربارەی تیرۆرکرنا عەقیدەکێ پێشمەرگەی ل ئاکرێ دا و راگەهاند: چەکێ پێ هاتیە کوشتن، یێ ئاساییشێ نەبوو.

رێڤەبەریا ئاساییشا ئاکرێ ئەڤرۆ رۆژا شەمبی 17-9-2022 راگەهاند: ئەو چەک و کەلوپەلێن ل رۆژا پێنجشەمبیا بووری 15-9-2022 د تاوانەکا کوشتنێ دا ل ئاکرێ هاتینە بکارئینان، مولکێ ئاساییشێ نەبوون.

هەروەسا دیار کریە: تاوانباری بەری دەرکرنا رێنماییێن نوی یێن حکومەتا هەرێما کوردستانێ یێن بدەستخستنا چەکی، ئەو چەک ب دەست خۆ خستیە و چەک یێ ئاساییشێ نینە.

ئاساییشا ئاکرێ دەربارەی بکارئینانا ترومبێلا ئاساییشێ، خۆیا کریە: ترومبێلا د تاوانێ دا هاتیە بکارئینان، مولکێ ئاساییشێ نینە، بەلکو مولکێ تایبەتێ تاوانباری یە.

ل رۆژا پێنجشەمبیا بووری عەقید سابر ئاكره‌یی ل قەزا ئاکرێ ب دەستێ تاوانبارەکی ب ناڤێ (و. ف. س) هاتبوو کوشتن.