بۆچی دژایەتیا دانسا ڤینیسیۆس دهێتە کرن؟

17 ئیلوون، 2022

گاڤ نیوز

ل گەل تۆمارکرنا هەر گولەگێ، ڤینیسیۆس جۆنیۆر، یاریکەرێ ریال مەدریێ دانسا سامبا یا بەرازیلی دکەت و ڤێ یەکێ دو بوچوونێن جودا ل دویڤ خۆ ئینایە، ژمارەکا کەسان دژایەتیا وی دکەن و پشتەڤان ژی هەنە.

بەری یاریا ریال مەدریدێ و ئەتلەتیکۆ مەدرید ژ خۆلا لالیگایێ دەستێبکەت، کۆکێ، کاپتنێ وێ یانێ گەف ل ڤینیسیۆس کرن و گۆت: ئەگەر ئەو دانسێ بکەت، دێ کێشەیێن مەزن چێبن.

پشتی ڤێ داخۆیانیا کۆکێ، هەر زوی نێیمار و رافینیا یێن بەرازیلی و یاریکەرێن پاریس سانجێرمان و بەرشەلۆنا ل سەر ئینستگرامی پشتەڤانیا ڤینی کر و نڤیسی، "ل سەر دانسا خۆ یێ بەردەوام بە ژ بەرکو ئەو کلتوورێ مەیە".

 ژ ئالیێ خۆڤە ژی پێدرۆ براڤۆ، سەرۆکێ دەستەیا کاروبارێن یاریکەران ل ئسپانیا راگەهاند؛ پێدڤە ڤینی رێزێ ل یانەیێن دی بگریت و دانسێ نەکەت و نڤیسیە "پێدڤیە ڤینیسیۆس ئەرکێ مەیمینکان بهێلیت"

هەر ئێک ژ پێلێ، ئەفسانەیێ تەپاپێ، ئیدێر میلیتاو و گابریێل خیسیۆس ژی پشتەڤانیا ڤینی کر و راگەهاندل نابیت رەگەزپەرستی بهێتە د تەپاپێ دا.

یانەیا ریال مەدرید ژی د بەیانەکێ دا پشتەڤانیا ڤینیسیۆس کر و یاریکەرێ بەرازیلی ژی شڤێدی د ڤیدیۆیەکێ دا راگەهاند کو ئەو دێ بەردەوام بیت ل سەر دانسا خۆ.