ئاماره‌ك: سێكا خه‌لكێ جيهانێ ژ ئه‌نترنێتێ د بێبه‌هرن

18 ئیلوون، 2022

گاڤ نيوز

د ئێك ژ ئامارێن نوى دا، نزيكى سێكا خه‌لكێ جيهانێ ل سالا 2022 ژ ئه‌نترنێتێ د بێبه‌هرن.

ئاژانسا فرانس پرێس ژ ئێكه‌تيا نێڤده‌وله‌تى يا په‌يوه‌نديان ڤه‌گوهاستيه‌؛ د نوكه‌ دا نزيكى 5.3 مليار كه‌سان ل سه‌رانسه‌رى جيهانێ ئه‌نترنێتێ بكاردئينن.

ديار ژى كريه‌؛ ئه‌گه‌ر وه‌به‌رهێنانێن نوى ل ژێرخانه‌يا ئه‌نترنێتێ نه‌هێنه‌ ئه‌نجامدان، ده‌ليڤه‌يا گه‌هشتنا خزمه‌تگۆزاريێن ئه‌نترنێتێ بۆ هه‌مى خه‌لكێ جيهانێ تا كو سالا 2030 گه‌له‌ك يا لاوازه‌.

ل گۆره‌ى ئامارێن هاتينه‌ راگه‌هاندن؛ د سالا 2022 دا، نزيكى 2.7 مليار كه‌س ل جيهانێ ژ ئه‌نترنێتێ د بێبه‌هرن.

3 مليار كه‌س ل سالا 2021 و 3.6 مليار كه‌س ل سالا 2019 ل سه‌رانسه‌رى جيهانێ ژ گه‌هشتنێ ب ئه‌نترنێتێ د بێبه‌هر بوون.