وەزارەتا خواندنا بلند رێنمایێن نوی یێن ماستەر و دکتۆرایێ بەلاڤ کرن

19 ئیلوون، 2022

گاڤ نیوز 

وەزارەتا خواندنا بلند و ڤەکۆلینێن زانستی رێنمایێن نوی یێن خواندنا دپلۆما بلند، ماستەر و دکتۆرایێ بەلاڤ کرن و راگەهاند: کۆنمرەیێ پێدڤی بۆ خواندنا ماستەر و دکتۆرایێ مەرجە.

ل گۆرەی نڤیسارەکا وەزارەتا خواندنا بلند و ڤەکۆلینێن زانستی کو مێژوویا ئەڤرۆ و ئیمزایا وەزیرێ پەروەردێ ل سەرن، رێنمایێن ژمارە 3 یێن سالا 2022یێ بۆ خواندنا ماستەر و دکتۆرایێ هاتنە راگەهاندن و تێدا هاتیە: کەسێ پێشکێشی دپلۆما بلند دکەت، کۆنمرە مەرج نینە و کەسێ پێشکێشی خواندنا ماستەرێ دکەت پێدڤیە کۆنمرەیێ وی ژ 60٪ کێمتر نەبیت، ئەگەر کێمتر بیت، پێدڤیە دپلۆما بلند بەری ماستەرێ بخوینیت.

د رێنمایێن ژمارە 3 یێن وەزارەتێ دا هاتیە ژی: بۆ خواندنا دکتۆرایێ، پێدڤیە کۆنمرەیێ کەسێ پێشکێش دکەت ل ماستەرێ ژ 70٪ کێمتر نەبیت و ل قووناغا بەکەلۆریۆسێ ژی ژ 60٪ کێمتر نەبیت.

هەروەسا دیار کریە: مەرجێ زمانێ ئنگلیزیێ ل گەل پێشکێشکرنێ بۆ دپلۆما بلند، ماستەر، و دکتۆرایێ پێدڤی نینە، لێ بەری ب دوماهیهاتنا خواندنێ پێدڤیە قوتابی ئاستێ زمانێ ئنگلیزی یێ پێدڤی د سەنتەرێن زمانێ ئنگلیزی یێن حکومی دا یان ب باوەرنامەیێن ئایلتس، تۆفل یان پیرسۆن ئەکادمیک دا بدەستڤە بینیت.

ناڤەرۆکا رێنمایێن ژمارە 3 یێن سالا 2022یێ:

https://govkrd.b-cdn.net/Ministries/Ministry%20of%20Higher%20Education%20and%20Scientific%20Research/Kurdish/بڵاوکراوەکان/رێنماییەکان/ڕێنماییەکانى%20ساڵى%20(2022)/ڕێنمایى%20ژمارە%20(٣)ى%20ساڵى%20٢٠٢٢ى%20ڕێنمایى%20خوێندنى%20باڵا%20دبلۆمى%20باڵا%20-%20ماستەر-%20دکتۆرا%20لە%20زانکۆ%20حکومییەکانى%20هەرێمى%20کوردستان.pdf