راگه‌هاندنه‌ك ژ پۆلیسێن پارێزگه‌ها دهۆكێ

20 ئیلوون، 2022

گاڤ نیوز

پۆلیسێن پارێزگه‌ها دهۆكێ د راگه‌هاندنه‌كێ دا گرتنا تومه‌تباره‌كى ل سه‌ر خراب بكارئینانا ئامیرێن په‌یوه‌ندیێ راگه‌هاند و دیار كر، تا رۆژا دادگه‌هكرنێ ب كه‌فاله‌ت هاتیه‌ به‌ردان.

راگه‌هاندنا پۆلیسان دیار كریه‌، ل سه‌ر سكالایا داواكارێ گشتى و ب بریارا دادگه‌ها ڤه‌كولینێ، تومه‌تباره‌ك ب ناڤێ (م.م.ئ) هاته‌ گرتن، كو د لایڤه‌كێ تۆرێن جڤاكى دا ئاخفتنێن كرێت ل دژى خه‌لكێ دهۆكێ بكارئیناینه‌، پاشان ب كه‌فاله‌ت هاتیه‌ به‌ردان تا كو دهێته‌ دادگه‌هكرن.

هه‌روه‌سا دیار كریه‌، ڤه‌كولینا پۆلیسان یا به‌رده‌وامه‌ ل دویڤ به‌ندێ 2 ژ یاسایا ژماره‌ 6 یا خراب بكارئینانا ئامیرێن په‌یوه‌ندیێ.