پشتى 9 هه‌یڤان دێ مووچه‌یێ 327 كارمه‌ندێن ساخله‌میا دهۆكێ هێته‌دان

20 ئیلوون، 2022

گاڤ نیوز – تایبه‌ت

پشتى 9 هه‌یڤان ژ چاڤه‌رێبوونێ بریاره‌ تا رۆژا پێنجشه‌مبى، مووچه‌یێ 327 كارمه‌ندێن ساخله‌میا دهۆكێ بهێته‌دان.

ژێده‌ره‌كى ژ خزینه‌یا پارێزگه‌ها دهۆكێ بۆ گاڤ نیوز گۆت: مووچه‌یێ سێ هه‌یڤان یێ 327 كارمه‌ندێن ساخله‌میا دهۆكێ یێ ئاماده‌یه‌ و تا رۆژا پێنجشه‌مبى واته‌ د ڤان دو رۆژان دا دێ پارێ وان هێته‌دان و هه‌ر هه‌یڤێ دێ مووچه‌یێ سێ هه‌یڤان وه‌رگرن.

پێشتر د. ئه‌فراسیاب موسا، رێڤه‌به‌رێ گشتیێ ساخله‌میا پارێزگه‌ها دهۆكێ بۆ گاڤ نیوز راگه‌هاندبوو، كێشه‌یا مووچه‌یێ وان كارمه‌ندان چاره‌بوویه‌ و سێ هه‌یڤ سێ هه‌یڤ دێ مووچه‌یێ وان هێته‌دان.