ئه‌پل: دێ ئاريشه‌يا د كاميره‌يا ئايفۆن 14 پرۆ دا چاره‌سه‌ر كه‌ين

21 ئیلوون، 2022

گاڤ نيوز

كۆمپانيا ئه‌پل راگه‌هاند كو وان ئاگه‌هـ ژ ئاريشه‌يه‌كێ د كاميره‌يا ئايفۆن 14 پرۆ دا هه‌يه‌ و دێ ب ئه‌پدێته‌كێ د حه‌فتيا بهێت دا وێ ئاريشه‌يێ چاره‌سه‌ر كه‌ت.

سكاى نيوز عه‌ره‌بيه ڤه‌گوهاستيه‌‌؛ ئاريشه‌يه‌كا ته‌كنيكى د كاميره‌يا ئايفۆن 14 پرۆ دا ل ده‌مێ بكارئينانا وێ ل گه‌ل ئه‌پليكه‌يشنێن وه‌كى ئينيستاگرام، سناپ چه‌ت و تيك تۆك دا هاتيه‌ ديتن.

ژماره‌يه‌كا بكارهينه‌ران ئاماژه‌ داينه‌ وێ چه‌ندێ كو ده‌مێ بكارئينانا كاميره‌يێ ل گه‌ل وان ئه‌پليكه‌يشنان، ئاميره‌ دلڤلڤيت و ده‌نگه‌كێ نه‌شاز ژێ ده‌ردكه‌ڤيت و ئه‌ڤ چه‌نده‌ كارتێكرنێ ل سه‌ر كوالێتيا وێنه‌ى دكه‌ت و شێلى دكه‌ت.

كۆمپانيا ئه‌پل ل دۆر ڤێ چه‌ندێ راگه‌هاند كو وان ئاگه‌هـ ژ ئاريشه‌يێ هه‌يه‌ و د حه‌فتيا بهێت دا دێ ئه‌پدێته‌كێ به‌رده‌ست كه‌ت كو وێ ئاريشه‌يێ چاره‌سه‌ر بكه‌ت.