ئینتەرنێتا ستارلینک یا ئیلۆن ماسکی نوکە ل هەمی جیهانێ بەردەستە

21 ئیلوون، 2022

گاڤ نیوز

کۆمپانیا سپەیس ئێک یا ملیاردێرێ ئەمریکی ئیلۆن ماسکی شیان ئینتەرنێتا ستارلینک یا هەیڤێن دەستکرن ب گەهینە هەمی جیهانێ و ماسکی د تویتەکێ دا راگەهاند؛ نوکە ئینتەرنێتا ستارلینک ل هەمی جیهانێ و حەتا ل کێشوەرێ جەمسەرێ باشۆر ژی بەردەستە.

کۆمپانیا سپەیس ئێکس دوماهی جار 54 هەیڤێن دی یێن دەستکرد هنارتنە ڤالاهیا ئاسمانی و نوکە 3130 هەیڤێن وێ کۆمپانیێ ل ئاسمانی د گەرن و ئینتەرنێتێ پەیدا دکەن.

ئینتەرنێتا ستارلینکێ چاوا کار دکەت؟


کۆمپانیا سپەیس ئێکس ب رێکا هنارتنا ب هزاران هەیڤێن دەستکرد بۆ ڤالاهیا ئاسمانی و دانانا بنگەهێن سەتەلایتی ل دەڤەرێن جودا یێن جیهانێ ئینتەرنێتێ بەردەست دکەت.

ستارلینک ئینتەرنێتێ د گەهینیتە وان دەڤەران ژی یێن مرۆڤ لێ نەژین و هێلێن ئەردی یێن ئینتەرنێتێ نەگەهنێ.

ل دەمێ کارەساتێن مرۆڤی و سروشتی چێدبن و ئینتەرنێتێن دی دهێنە راگرتن، ئینتەرنێتا ستارلینک کار دکەت، ل دەمێ هێرشا رۆسیا ل سەر ئۆکراینا، تاکە خزمەتگوزاریا ئینتەرنێتێ ل وی وەلاتی یا ستارلینکێ بوو.

دێ چاوا ئینتەرنێتا ستارلیکنێ دەستڤەئینی؟


ژبۆ دەستڤەئینانا خزمەتگوزاریا ئینتەرنێتا ستارلینکێ پێدڤی ب سێنیەکا بچویک یا وەرگرتنا هێلا ئینتەرنێتێ یە کو ل جهەکێ ڤەکری بۆ ئاسمنی دهێتە دانان و ئامیرەیەکێ دی ژی یێ مین راوتەری د ناڤا مالێ دا دهێتە دانان بۆ بەلاڤکرنا ئینتەرنێتێ وەک وای فای.

لەزاتیا ئینتەرنێتا ستارلینک چەندە؟


ل گۆرەی مالپەرێ خزمەتگوزاریێن وێ کۆمپانیێ، لەزاتیا ئینتەرنێتا ستارلینکێ بۆ مالان د ناڤبەرا 50 مێگابایت تا 250 مێگابایتانە د چرکەیەکێ دا و بۆ کۆمپانیان ژی کو ب Starlink Business دهێتە نیاسین، د گەهیتە 350 مێگابایتان د چرکەیەکێ دا.

بهایێ ئینتەرنێتا ستارلینک چەندە؟