پتر ژ 34 مليار دينارێن جۆتيارێن هه‌رێمێ ژ به‌غدا گه‌هشتن

22 ئیلوون، 2022

گاڤ نيوز

دويماهى كوژمێ پاره‌يێ جۆتيارين هه‌رێما كوردستانێ بۆ سالا 2022 گه‌هشته‌ هه‌رێمێ و ژ وان 3 مليار و 28 مليۆن و 77 هزار دينار يێن جۆتيارێن دهۆكێ نه‌ و ل حه‌فتيا بهێت دێ ب سه‌ر جۆتياران دا هێنه‌ به‌لاڤكرن.

نه‌وزاد شێخ كامل رێڤه‌به‌رێ گشتى يێ بازرگانى ل وه‌زاره‌تا بازرگانى و پيشه‌سازى يا حكومه‌تا هه‌رێمێ راگه‌هاند؛ 34 مليار و 613 مليۆن و 77 هزار دينار وه‌ك دويماهيك شايسته‌يێن جۆتيارێن هه‌رێما كوردستانێ يێن سالا 2022 ژ به‌غدا گه‌هشتن و ژ وان 3 مليار و 28 مليۆن و 77 هزار دينار يێن جۆتيارێن دهۆكێ نه‌.

ديار ژى كر؛ ئه‌ڤ پاره‌يه‌ ل حه‌فتيا بهێت دێ ل سه‌ر جۆتياران هێنه‌ به‌لاڤكرن.

خۆيا ژى كر؛ ئه‌ڤ دويماهيك سولفه‌یا شايسته‌يێن جۆتياران يێن سالا 2022 نه‌.