ژبه‌ر مرنا ژينا ئه‌مينى.. ئه‌مريكا بریاره‌ك ل دژى ئیرانێ دا

22 ئیلوون، 2022

گاڤ نيوز

ويلايه‌تێن ئێكگرتى يێن ئه‌مريكى ئه‌ڤرۆ پێنجشه‌مبيێ ژماره‌يه‌كا سزايان ب سه‌ر ’پۆليسێن ئه‌خلاقى’ يێن ئيرانێ و ژماره‌يه‌كا به‌رپرسێن ئه‌منى دا سه‌پاندن.

سزايێن ئه‌مريكى يێن نوى پشتى گيانژده‌ستدانا ژينا ئه‌مينى و توندوتيژيا هێزێن ئه‌منى يێن ئيرانى به‌رانبه‌ر خۆنيشانده‌ران د رۆژێن بوورى دا هاتن.

جانێت يه‌لين وه‌زيرا گه‌نجينه‌يێ يا ئه‌مريكا راگه‌هاند؛ سزايێن نوى ل سه‌ر ’پۆليسێن ئه‌خلاقى’ يێن ئيرانێ و ژماره‌يه‌كا مه‌زن يا به‌رپرسێن ئه‌منى يێن ئيرانى يێن ژ توندوتيژيێ د به‌رپرس هاتنه‌ سه‌پاندن.

ديار ژى كر؛ ئه‌ڤ سزايه‌ ل سه‌ر بنياتێ پێگيريا كارگێريا جۆ بايدن ب پاراستنا مافێن مرۆڤى و مافێن ژنێ ل ئيرانێ و جيهانێ هاتنه‌ سه‌پاندن.

ژماره‌يه‌كا كه‌سان د خۆنيشاندانێن نه‌رازيبوونێ دا ل دژى وه‌غه‌ركرنا ژينا ئه‌مينى د شه‌ش رۆژێن بۆرى دا ل ئيرانێ گيانێ خۆ ژده‌ستداينه‌.