کۆچبەربوونا ئێزدیان بەرەڤ کێمیێ چوویە و گاڤ ئامارێن نوی بەلاڤ دکەت

22 ئیلوون، 2022

گاڤ نیوز - تایبەت

ل 10 رۆژێن هەیڤا هەشتا ئەڤسالە 4349 ئێزدیان قەستا دەرڤەی وەڵاتی کربوون، لێ ل 10 رۆژێن هەیڤا نەهـ ب تنێ 700 ئێزدیان وەڵات بجهـ هێلایە و سه‌رۆكێ رێكخراوه‌كێ دبێژیت: کۆچکرن کێم بوویە.

شێرزاد پیرمۆسا، سەرۆکێ رێکخراوا ئەلند بۆ دیمۆکراسیکرنا گەنجان بۆ گاڤ دیارکر؛ هەرچەندە کۆچبەربوونا ئێزدیان ژ مەها 8 هەتا 19/9/2022 ژ 5 هزار کەسان دەربازبوویە، لێ نوکە کۆچکرن کێم بوویە.

 سەرۆکێ رێکخراوێ دەربارەی چەوانیا دەربازبوونا وان کۆچبەران دبێژیت: نوکە رێکەکا دی هاتیە دیتن، بەرێ کۆچبەران کەفتیە قوبرسا تورکیا و ل وێرێ بەرەف ئەورۆپا بری دکەڤن و خەرجیێن ڤێ رێکێ ژی 85 وەرەقێن دۆلاری نە. 

دەربارەی ئامارێن کۆچبەربوونێ ژی شێرزاد پیرمۆسا گۆت: 1400 کەس گەهشتینە یوونان، 500 کەس ڤەگەریاینە، 3 هزار کەس نوکە ل ستەنبۆلێ ل قەیسەرپاشا، دارستان و سەر سنۆرانە .

گۆت ژی: نوكه‌ بۆ پتریا داخوازکارێن ئێزدی یێن ڤیزەیا تورکیا ل ئۆفیسا دهۆکێ رەفز دهێت، لەورا ئێزدی بۆ وەرگرتنا ڤیزێ دچنە نەینەوا و نەجەف خەرجی ژی پتر لێدهێن.